الباع الدر علی الفحام وما یعرف ثمن دره
یمته ایمییز الچلمه التنفعه ویا هی التضره
حچی اهل العگل موزون کون اتصره الف صره
طیرک بلقیم اتهداله
(الشاعر حسین الزبیدی)
شفت امجدی مد ایده اعلی بلعان
لحظه اصفنت صوبه وآنه متعدی
سمعته ابذانی گله اتروح للغیر
هم شایف امجدی ایساعد امجدی
شفت بلعان بس ایبات یوعان
کل خوفه ایتعشه وتنگص الثروه
وشفت واحد فقیر او گاعد ایجار
یجدی الخبزه وایطعم الفقره
(الشاعر حسین الزبیدی)
مادنت نفسی اعله جاره وعاینیت
طبعی ولماشانی یدری ابهل طبع
لو الف بصبای لمیت اصدقاء
بعد الم نفسی دنیه اعله الربع
(الشاعر حبیب ابوعدنان مزرعه)
یصاحب بعد ماعندی اهـد بل
فرح وامن الحزن حگی اهد بل
گبل لوردت أهد آنه اهد بل
إخـو ولــیـوم إخوی ایهد علیه
(الشاعر حسین الزبیدی)
وکتـــی بلحنظل تبدل سکـــره
وبلعسر دوخلی عگلــی سکـــره
موفـرد بـاب العلیـه سکـــره
کلهـا بیبـانه علیـه امسکرات
(الشاعرکاظم الحمیداوی)
منقم الوکت لو صار بید الما ملک نخوه
ویگعد سدر ضل الیوم الچان اقران مایسوه
الوکت یهل المجد تدرون برجال الوقه اشسوه
ملاگ الحی صار اگعدی
(الشاعر علی مقدم)
عمر ویاکم گضینه اوکلوکت نگعد سویه
اشغیر افکار جماعه اشصایر اباهل الزویه
والله لو فد بیت یبگه یحب علی حامی الحمیه
ما ینزل عتبار الدیره
(الشاعر حبیب ابوعدنان مزرعه)
علی ابیالک ربیت اسنین وانحب سیرت افعالک
وعلی الدنیه ابکبرهه اتروح فدوه الفردت انعالک
علی انته الچسیت الدین واصبح عایش ابیالک
بس بیک اتنومس بارینه
(الشاعر حبیب ابوعدنان مزرعه)
ابعیدک یا ابو الحسنین حضرنه الیوم مشایه
ورغما عل یضدک دوم اسمک شرف لثایه
علی بس بیک نتنخه ونشیل ابزودک الرایه
ما تنزل چفک راعیهه
(الشاعر حبیب ابوعدنان مزرعه)
شفت شایب چبیر السن اسمعه ایگول من صله
الحمد لله العمر ما ضاع عشنه ابکوت عبدالله
اهل غیره اوحمیه وازود وچفهم کل حمل گله
العایل بیهم ردیته
(الشاعر سعید الباوی)
تشل افتوگنه افتوگک شلینه
تشای اطیورنه اطیورک شلینه
تحط انحط تشیل انته شلینه
خلیلک خل عدوک عدو لیه
(عبود الحی سلطان)
علی دربک یبو الحسنین یربن دایم یا علی امتونی
شیعی وشیعی اضل لدوم ما بیهم یغیرونی
ارید اعلن واصیح ابصوت حتی الکل یسمعونی
لو حیدر لو صیر ایهودی
(الشاعر حسن ابو ایمن الزهیری)
توجه للاصــابع زین بیهن تلگه چم حکمه
منهن اربــــعه ایگولون ما بیهن یفل بزمه
امکترواحدالهل حین بس ابوکت التحشمه
کل شغله العندک یگضیها
توجه چف یمینک زیـــن بیه احروف مکتوبه
زغیر اعضاک لو مفسوخ ایدک تضل معیوبه
کلمن باهه کل اعضاء بیــهن حصل مطلوبه
کل عجده التکلف حلاهه
یصــــــح بیــن الزلم رجّال صیته امامن الدیره
وجبان ایصح سبع مرات راسه امطلگ الغیره
تخیّر بل ربــــــع وفّای صاحب یعرف السیره
و اعداک اسلال ایحط بیه
(الشاعررحیم ابوجساس المنهل)
(ماخذ:دیوان ملاثانی)
فک عينک دخلهه اتشوف ، شي الغامض اتشوفا
شي الما تحبه الناس حچي الواضحه احروفا
شط الطفح امن الزود محد يگرب اجروفا
واليحچي ابزود ايهابونه
***
ماني شي ابلا عمامي و هيبه مالي ابلا اهل
و انته غايه البيهه اوصل قمة العز عالجبل
ملعب العز لو يهوس ماهو من صوبي انعدل
لو آنه الطير انته اجناحي
***
گمت احشم بالقوافي و گمت اعدل بالوضع
و ارد اصيحن بالملاعب هالله هالله ابهل ربع
عندي طبع امنل عروبا ابربعي دايم منطبع
من غيرتهم شايل راسي
(الشاعر محيي الچاملي)
التمت اکبارات امیه وگعداو گعدت فصل
اتبسبس اوکلهه اتنادس هاذه یاهو بوالفضل
واحد ایگل للاخر یمطل الفارس مطل
من الله اونازل طرگاعه
واحد ایگل للاخر شنهو حیدر رد عدل
یاجماعه احسین عنده فارس ابعلو الیبل
اشلون باچر واشنسوی بلا گولو لو حمل
شیرد الجیش امنیحوسه
یا شمر بالله دسولف شو ولا چلمه اوگلت
لیش ویهک صایر اصفر لیش من هسه اوخفت
گالهم عمی شگلکم شهر بلکت مانمت
بس اغفه ایضل یتراوالی
(الشاعر حسن ابوایمن الزهیری)
/**/علم ابنک عالحقیقة ودرسّه ابأحسن درس
گله بويّه المجد مجدک اغلی من مال وفلس
ماشي النشمي ابکلامک ولا تماشي المایحس
مايعرف دربا و ممشاته
(الشاعر توفیق دورقی)
حـــزین الگلـب وینــوح بطــوار
ومــن طـــور الحـــزن ســواله فرقـه
گلبـی امضیف عنـده ایرحب الخـطار
خـطاره الحـــزن ماضیفلـه فرحــه
"الشاعرمصطفی الهلیچی"
الغیره من رادت تصافح صافحت چف الصخی
والشجاعه ازنود تطلب ماهوت زند الرخی
تدری من ناخت الغیره رد علیهه المنتخی
(لشباگ الملعب ردینه)
گالوماتت الغیره سمعت آنه بترس ذانی
ماصدگ الغیره تموت وهیه براس خوانی
اسمعک یلی هیچ اتگول گول فلان وصانی
یاغیره یعرب معروفه
یاجروحی بشوفت اهلی بشوفت اهلی اضمدی
آنه اعرفنهم نشامه العرب ما بیهم ردی
هلی الما ثنو عله الذل روحی بیهم عیدی
الشر بهل الشر ردینا
اخوک اشما عمل ویاک چذب ماتگدر اتمله
حیث الدم مثل دمک ودمک یحترگ لجله
شداحزامه بحزامک ولو هم مسک اتگله
یحزامی اشتد یومک هاذه
(الشاعر محسن الفرحانی)
حلوه یا ربعت اهلنه البالمعالي اتعنزت