الاخو عند العرب کلسیف التشیم حتی بگرابه
فص عین المحنه ایطیح اذا صدت علی امصابه
الاخو تحتازه بلکلفات من اتصادف اطلابه
(یگعد وایگلک هاذ آنه)
اعز من الابو ماشوف اذا ادور العمر کله
چذب اگدر عگب عیناه بین بلزلم اتعله
اعتقد عگب الابو کل بیت احسن بی تصح خله
(والراید عز باشر عوده)
اعز من الابو ماشوف ولا بی خابت اضنونی
چذب بوجوده امد ایدی واگل للوادم انطونی
اذا هیچ الابو یا ناس لونهن تنعمی اعیونی
(نص حگ ایضل ما وفیته)
(الشاعر حبیب ابوعدنان مزرعه)
فوگ کل الضیم هاذه والجرح مایضمد
یجینی ایگلی یا توفیق هوس هوسه امحمد
بس احچیهه بعناد الزمان خاطر کل وکت تجدد
(مامات امحمد میدانه)
هذه مو ملعب حریبه الراید زلم بلمیدان
لمحمد وارید ابصوت اسمعکم یهلخوان
هوسه منک یا محمد الضلت تجری بلشریان
انهامحمد العبدالواحد المنان
من اصل اخو امسیچه ومن اصل برزان
(والملعب لجلک حزنا)
(الشاعر توفیق سواری من ابوحمیظه)
گلی اتخاف گتله امنین گال قصدی امنل ضباع
گتله هم سامع ابعمرک گالاو اتخاف اسباع
شال چفیته اوطبهه اوگال عفیه ابنی الشجاع
ما خاب الضن من تربیتی
(الشاعر المرحوم محمد مزرعه)
یا علی الموسی اعتنیتک جدمی یعثر بلمسیر
والچبیر الکل تسولف عینه کون اعلع زغیر
ابکیفک انه الیله گاعد یمک ابصحن الغدیر
لغلامک سویلک چاره
یا علی الموسی اعتنیتک وادری گدهه اوتنتخی
شد حبل کارت املنه الصبح امن الهم رخی
مایرد چف عوز چفک مثل چف عمک صخی
للشط قدم یوز اچفوفه
یا علی الموسی اعتنیتک عجده عدی اتحلهه الی
حتی ارد فرحان بیهه وامشی اسولف یم هلی
واذا شفت مامن نتیجه ابدربی اتعده ال علی
واشکیله ابنک ما کض ایدی
الشاعر حسن ابوایمن الزهیری
ماتهمنی اجیوش خصمی اشما جمع گوم اوحمل
وما رجف جــــدمی ابقضیه ولا دمــع هل اوهمل
خوفی من خلی اوصدیـــقی لو دخل راسه الجهل
چن ارضه اوتسکن سیسانی
ماشی اهدیب الصداقه اوحتی یعدل مایلک
اومایعوف الزین طبعه ولویصلبونه ابفلک
المایچن سره ابضمیره لا تامنه ابسـرهلک
السر شناطه اوتعدم بیه
(الشاعر رحیم المنهل ابو جساس)
ویه الیزال بلمیدان طب لا توگف اتعاین
وخل انصیر انه اویاک شوکه ابعین کل خاین
الیفزع گبل لا تنخاه علیه بلموزمه راهن
یحچون ابزوده الحچایه
اسئلت من ملعب الیزال استمع یل راید اعلومه
مو یزال کلمن خاف اتراب ایلعوس اهدومه
الهوسه اترید واحد کون الماو ایسولف ابیومه
یتعصب والغیض ابراسه
الهوسه نخوه الهوسه فزعه الهوسه ملعب للرجال
الهوسه نوع من الشجاعه الهوسه مولعبت یهال
الهوسه بس للیسوه صاحت گوم للملعب تعال
یل مالک شر لا تدناهه
الشاعر محسن الفرحانی
بس بعد بسک یگلبی اعلی صدیج اشگد تلح
الامس بی زامطت خصمک رش علی اجروحک ملح
اشبیک ما تعرف یگلبی اصیار امس صایر وکح
فوگ الحبلین ایدگ چوبی
(الشاعر حبیب ابو عدنان مزرعه)
هــــلی اببــــحر المحبـــــه علمونی اشــــلون افوی
و من ابـــوسن ایــــــد عمی چنی بایس ایــد ابوی
ابشده من انهض لخوی اشلون احط منه اعله اخوی
مـــــن یــــــوگع حملی ايــــتچیـــلّه
*****
ویه الیزال بلمیدان طب لا توگف اتعاین
وخل انصیر انه اویاک شوکه ابعین کل خاین
الیفزع گبل لا تنخاه علیه بلموزمه راهن
یحچون ابزوده الحچایه
*****
اسئلت من ملعب الیزال استمع یل راید اعلومه
مو یزال کلمن خاف اتراب ایلعوس اهدومه
الهوسه اترید واحد کون الماو ایسولف ابیومه
یتعصب والغیض ابراسه
*****
الهوسه نخوه الهوسه فزعه الهوسه ملعب للرجال
الهوسه نوع من الشجاعه الهوسه مولعبت یهال
الهوسه بس للیسوه صاحت گوم للملعب تعال
یل مالک شر لا تدناهه
(الشاعر محسن الفرحانی)
يگلبي اشگد ولک مسکين کـلّه او ما خذيت ادروس
بعدک تحن للصحبان والحبهم تدگ ناقوس
چنک ما دريت ابهاي صحبت هل زمان افلوس
و الما يملک مايردونه
(الشاعر منصور الحمیداوی)
بدلاو سیرت اهلنه او وکت والینه ابقدر
التهینه ابهل بیارق و انتکارب عل سدر
ما یصیر احنه النریده انساوم انجمه ابدر
یا هو المن گلک سواها
الشاعر رضا البالدی
نعش مشیول من اتشوف گال المثل یتعده
خل عندک یقین ایصیر واعلمن تنحمل بعده
بس وجه الکریم ایدوم اشما طالت المده
دار العز کون اطب بیهه
(الشاعر حسین الزبیدی)
لو شفت شال الزمان اعلیک رایات المحن
دونک العباس اگصده و اوگف اباب الصحن
گله یمتدن ادیه الغیر جودک یستحن
لو دُر من غیرک ماریده
لو شفت شال الزمان اعلیک رایات الحرب
کون ما تشتکی اهمومک لأهلک و لا للغرب
اگصد العباس ومشی وأخذ عنوان الدرب
من ناس الگبلک ماشینه
لو شفت صدرک یخویه اهموم وأحزان انشحن
اگصد العباس هسه و سولف احذاله المحن
گله متعنیک اجدی ابهوسه یم باب الصحن
ولزینب خل ربط الهوسه
لو شفت عندک مشاکل ولهه حل ما ینوجد
انا ادلیک ابطریقه اتحلهن اچفوف المجد
اگصد العباس تلگه املوک تکنس بل عجد
وضفهم بیده الخطاره
لو شفت عَن الزمان اعلیک خیل امحجله
ارکب الشگره الأصیله الغیر کحله امکحله
قاد من توصل ترجل ومشی حافی ابکربله
او کل عشر امتار اسجد نوبا
(الشاعر ابو علوان الناصری)
ارلــی مامشن لل باطل ولخطین
اتواضع صابن اهدافـی ولخطین
مـاگــولن ذهب انـــی ولخطیــــن
خلقنه امنل ثره ربنــه ســــــویه
(الشاعر مله فاضل السکرانی)
العاشر عمامه ابطیب بلشدات حضروله
والماله زلم بلضیج ینخه العبد والموله
التنخه بلغرب وایصیح من ابعید ضحکوله
گلوله اهلک روح انخاهه
(الشاعر رضا بالدی)
امن الزغر لتعلم ابنک عالتکبر والغرور
والحقد والکره و ايضا بلا منطق يحچي زور
علمه عصر الفهم هاذه و الثقافه التشع نور
و الجاهل أهله ايطردونه
إمن الزغر لتعلم ابنک عالتفاخر بالجهل
او تحط بيده اسلاح يرمي ابليل بيبان الأهل
قلم إهديله او دگله هاذه مفتاح الأمل
لو لحظه اتعوفه ايبوگونه
ما خون الکلت زاده او حذر ماخذ واحتياط
او ستر بيته ما اهتکه او سيفه اصيرن بالزماط
بس لون ماعرف قدري ملحي اشيله امن السماط
لن ماشور بي من ذاگه
طرف مابيه المضيف اوصيه اگلک لا صدر
او ابد لا تتعله فوگ او تحشر ابنفسک حشر
انته لو فاهم تقدرک ناس التعرف القدر
لو تگعد يم عتبت بابه
ابگلبک حقد لاتجمع واذا تجمع اخبرک يوز
لن چفک ابيوم الماو لچفوف العمام ايعوز
اوياهم تختلف بالراي جايز بس ابد ميجوز
تصبح منشار اتگص بيهه
لاتصبح ابد منشار بچفوف العمام اتگص
و لا حية رمل تصبح تدور اعله الفرص تگرص
لگمة زاد خوت الطيب گالو تنجسم بالنص
والياکل وحده ایقص بيهه
(الشاعر علی المطرودی)
امجد طبعی کلمن زین وابد ما غیرت طبعی
وحگ عندی امن اشیل الراس افخر وازمط ابربعی
امس من طرق بابی العوز بیهم عدلت وضعی
واحتاز احد ما خلونی
کهرب لو یسر بیدک تکض اوتلبس الصایه
قیمت فلس ما تسوا لئن ما عندک احچایه
مضیفک محد ایچهبه وعلیه تحرم البدایه
لو میت باب اتخلیله
انصبت لکن ما حچیت سکته خلیت اطلابه
خفت تزاحم اخوتی وسیفی دخلته بگرابه
گلت خل اعرف عدویی عرفته ابطیحت انگابه
شفته ابن العم ما حاچیته
(الشاعر فرج البوعبادی)
حلوه یا ربعت اهلنه البالمعالي اتعنزت