الخوه عندی اشگد ثمینه الخوه نص امن الچبد
والیعوف الخوه صدگ کون اطمّه ابلا لحد
های مگیوله امن اهلنه وذوله تربایت مجد
ماذلن لوخوتی احذالی
الشاعر هاشم الامغیطی
الیعوف اخوانه خل یشبع مقامه
ابنزول ولا تظن یعله مقامه
سبع گامات کون أحفر مقامه
وادفنه ابلا لحد دون البریه
الشاعرهادی الامغیطی
گبل چان العشــگ مثل الکحـل للعین
ویستــــر الگلـــب من یمـر طاریه
وهسه فتات اهل العشگ لبست ثیاب ارجال
وبن حــــی العشگ لابسلــــه ترچیه
الشاعر ابو خلیل شحیطاط
هلی رکباو سبایه و اشملوهن
و عنوهن امغیرب و اشملوهن
هلی عوی المناسف واشملوهن
احنینی لو لفاو هدوت عشه
الشاعر المرحوم منان الشبیب الزبیدی
الماعنده عمام الزلم حادو
علی حگه و یصطرونه الضحه
الشاعر المرحوم منان شبیب الزبیدی
اتبچبچ عین شوگی اعلیـک موعن
علی ذچـــــــرک غدت شلال موعن
چتف صلیت فرض الصبح موعن
عقیده الگلـــــب خفت ایطیـــر بیه
الشاعر علی العاید البدوی
المایله ابچـفهم تصیـرامعدله
عدنه ناس العایشه وما الهه صیت
وعدنه بگبـور وتحل المشکله
الشاعر سید عقیل التفاخ
مماشی الدهـــــر یاذنی ویعمن
علیه أوراحن اعیــونی ویعمن
الویع من غیر راعیه ویع من
چذب کلمن یگول البیــک بیه
الشاعر امحیبس الهلیچی
اخوک اشما عمل ویاک چذب ماتگدر اتمله
حیث الدم مثل دمک ودمک یحترگ لجله
شداحزامه بحزامک ولو هم مسک اتگله
یحزامی اشتد یومک هاذه
کل رجل یوگع بشده،بشده یوگع کل رجل
والی عنده اخوان یمه تحزم وشال الحمل
وصی ابنک گله یبنی اوصیک مادامک عدل
یولیدی اعضیدک لتعوفه
اشما راد الزمان ایدور او یفر ویای مگلوبی
اهلی لبسونی ثوب عزه وما اذب ثوبی
امرن واعتنی صوبه اخوی المایمر صوبی
هه" الدم دم واحد آنه ویا
لوشفت خوان فردو شد عزمهم لا تحل
لمهم ابچلمت الزینه وهل مواقف للرجل
بالک امن الفتنه بالک وهیه اشد من القتل
اسمک مایهبط بل زینه
گالوماتت الغیره سمعت آنه بترس ذانی
ماصدگ الغیره تموت وهیه براس خوانی
اسمعک یلی هیچ اتگول گول فلان وصانی
یاغیره یعرب معروفه
یاجروحی بشوفت اهلی بشوفت اهلی اضمدی
آنه اعرفنهم نشامه العرب ما بیهم ردی
هلی الما ثنو عله الذل روحی بیهم عیدی
الشر بهل الشر ردینا
الشاعر محسن الفرحاني
انته شیهمک یخیرفوگ تگعد لو حدر
لأن هوه البی مراجل وین ما یگعد سدر
بس الساقط لو گعد فوگ البدر
من شمرت ایده ایعرفونه
الشاعر علی عاید البدوی
کریم العاش عمره ابطن تبره
او روحه دوم لطیبات تبره
ما غره الزمان او جمع تبره
التبر لهل التبر نار او اذیه
الشاعر حاج صباح مزرعه
حلوه یا ربعت اهلنه البالمعالي اتعنزت